г. Петропавловск, ул.Васильева, 123
Служба поддержки пациентов и внутреннего контроля
+7 (7152) 50-16-23. Приемная +7 (7152) 50-27-23


2026 жылғы 12–13 қараша күндері Астана қаласында «Қоғам денсаулығы мен цифрлық кеңістіктегі алғашқы медициналық-санитариялық көмектің тиімділігі» тақырыбында Халықаралық конгресс өтті.

Аталған іс-шараға «№2 қалалық емхана» ШЖҚ КМК қызметкерлері қатысты.

Конгресс отандық алғашқы медициналық-санитариялық көмек саласының жетекші сарапшыларын, сондай-ақ ТМД елдері мен Еуропа өңірінің отбасылық медицина, мейіргер ісі, әлеуметтік жұмыс, қоғамдық денсаулық сақтау, менеджмент және цифрлық технологиялар саласындағы халықаралық мамандарын біріктірді.

Конгресс барысында екі күн бойы қатысушылар алғашқы медициналық-санитариялық көмекті ұйымдастырудың үздік тәжірибелерімен, Астана қаласының медициналық ұйымдары мен Қазақстан Республикасы Денсаулық сақтау министрлігінің Республикалық алғашқы медициналық-санитариялық көмек орталығының тәжірибесімен танысуға мүмкіндік алды. Сонымен қатар интерактивті шеберлік сабақтары мен ғылыми дәрістерге қатысып, сарапшылардың панельдік пікірталастарына қатысты.

Конгреске қатысу кәсіби білімді жетілдіруге, алғашқы медициналық-санитариялық көмекті ұйымдастырудың заманауи тәсілдерімен танысуға және әріптестер арасында тәжірибе алмасуға мүмкіндік берді.

Осындай іс-шаралар медицина қызметкерлерінің кәсіби дамуына және халыққа көрсетілетін медициналық көмектің сапасын арттыруға ықпал етеді.

 

"№2 қалалық емхана" ШЖҚ КМК 2023

Яндекс.Метрика