Алкоголь — адам денсаулығына қауіп төндіретін маңызды факторлардың бірі. Оны тұтыну созылмалы аурулардың, жарақаттардың, психикалық және мінез-құлық бұзылыстарының дамуына, сондай-ақ алкогольге тәуелділіктің қалыптасуына әкелуі мүмкін.

📊 Алкоголь туралы сандар:

▪️ Дүниежүзілік денсаулық сақтау ұйымының (ДДҰ) мәліметтері бойынша, әлемде жыл сайын алкогольді тұтынуға байланысты себептерден шамамен 2,6 миллион адам қайтыс болады.

▪️ Қазақстанда 2024 жылы 15 жастан асқан бір адамға шаққандағы алкогольді тұтынудың орташа жылдық көлемі шамамен 6,0 литр таза спиртті құрады.

Алкогольдің зияны қандай?

🔹 Бауыр және жүрек-қан тамырлары ауруларының даму қаупін арттырады.
🔹 Кейбір онкологиялық аурулардың пайда болу ықтималдығын жоғарылатады.
🔹 Жүйке жүйесіне, есте сақтау қабілетіне және психикалық денсаулыққа кері әсер етеді.
🔹 Жарақат алу, жазатайым оқиғалар және алкогольге тәуелділіктің қалыптасу қаупін арттырады.

💚 Денсаулығыңызды қалай қорғауға болады?

✔️ Алкогольдік ішімдіктерден бас тартыңыз.
✔️ Күйзелісті жеңу тәсілі ретінде алкогольді пайдаланбаңыз.
✔️ Дене белсенділігін арттырып, салауатты демалысты таңдаңыз.
✔️ Қажет болған жағдайда мамандардың көмегіне жүгініңіз.

Есте сақтаңыз: алкогольдің денсаулыққа қауіпсіз мөлшері жоқ. Одан бас тарту — денсаулықты сақтауға, отбасы амандығына және белсенді ұзақ өмір сүруге жасалған маңызды қадам.

Денсаулықты таңдаңыз! Алкогольсіз өмір — жарқын болашаққа бастайтын саналы таңдау!